काठमाडौं–  स्वास्थ्य तथा जनसंख्या मन्त्रालयका देशभर ४ सय ८ जना कोरोना संक्रमितको विभिन्न अस्पतालका आईसीयू र भेन्टिलेटरमा उपचार भइरहेको जानकारी दिएको छ ।

मन्त्रालयको तथ्यांक अनुसार ५४ जना भेन्टिलेटरमा र ३ सय ५४ जना संक्रमित आईसीयूमा उपचाररत रहेका छन्।

आईसीयूमा रहेका संक्रमितको संख्या सबैभन्दा बढी बागमती प्रदेशमा ११५ जना रहेको छ भने  ९ जना भेन्टिलेटर छन् ।

यसैगरी लुम्बिनी प्रदेशमा ६४ जना आईसीयूमा र २ जना भेन्टिलेटरमा, प्रदेश १ मा ३७ जना आईसीयूमा र १० जना भेन्टिलेटरमा र प्रदेश २ मा ४ आईसीयू र १ जना भेन्टिलेटरमा उपचाररत रहेको मन्त्रालयले जनाएको छ।

त्यस्तै सुदुरपश्चिममा ६ जना आईसीयूमा र एक जनाको भेन्टिलेटरमा, गण्डकी प्रदेशमा ११७ आईसीयूमा र ११ जना भेन्टिलेटरमा र कर्णाली प्रदेशमा ११ जनाको आईसीयूमा उपचार भइरहेको मन्त्रालयले जानकारी दिएको छ ।