कैलाली– प्रहरीले कैलालीमा जुवा खेलिरहेको अवस्थामा ७५ हजार नगदसहित ९ जनालाई पक्राउ गरेको छ ।

प्रहरीका अनुसार कैलालीको धनगढी उपमहानगरपालिका– २ बोगटी चोकस्थित एक घरमा जुवातास खेलिरहेको अवस्थामा ९ जनालाई पक्राउ गरिएको हो ।

जिल्ला प्रहरी कार्यालय कैलालीका प्रवक्ता डिएसपी प्रतीक विष्टका अनुसार प्रहरीले उनीहरूको साथबाट ७५ हजार दुई सय १० रुपैयाँसमेत बरामद गरेको छ ।

उनका अनुसार पक्राउ पर्नेमा कञ्चनपुरको कृष्णपुर नगरपालिका – ९ का ३४ वर्षीय रामबहादुर ऐर, भिमदत नगरपालिका – ६ का ४३ वर्षीय जनकराज जोशी, बझाङको केदारस्युँ गाउँपालिका – ४ का ३३ वर्षीय नरेन्द्र मल्ल, २८ वर्षीय मिलन भण्डारी, धनगढी उपमहानगरपालीका –२ का ४० वर्षीय पवन भाट रहेका छन् ।

यस्तै, सोही ठाउँकी २७ वर्षीया नितु चन्द, ३८ वर्षीय दिलबहादुर सिंह, ३८ वर्षकै शेरबहादुर साउँद र चुरे गाउँपालिका–३ का ३८ वर्षीय नरबहादुर धामीलाई पनि प्रहरीले पक्राउ गरेको छ ।