कञ्चनपुर – भारतबाट अबैध रुपमा ल्याउँदै गरेको सुनका गहनासहित प्रहरीले कञ्चनपुरको पुनर्वास नगरपालिकाबाट दुई जनालाई पक्राउ गरेको छ ।
प्रहरीका अनुसार भारतबाट नेपालतर्फ आउँदै गरेका डोटी केआइसिंह गाउँपालिका–२ का २२ वर्षीय मोहन कामी र १९ वर्षीय सुनिल भुजेललाई शनिबार साँझ सुनका गहनासहित पक्राउ गरिएको हो
जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापा अनुसार दुवै जनाबाट ४४० ग्राम ६३० मिलीग्राम सुनका विभिन्न किसिमका तयारी गहना बरामद भएको छ ।
पक्राउ परेका दुवै जनामाथि अनुसन्धान भइरहेको प्रहरीले जनाएको छ ।
प्रतिक्रिया