एजेन्सी- चीनमा कोरोना भाइरसको संक्रमण नियन्त्रणउन्मूख भइरहे पनि पूर्णरुपले खतरामुक्तको अवस्था भने बनेको छैन । चीनमा कोरोना भाइरसको संक्रमण अन्यत्रबाट भित्रिन थालेपछि फेरि त्रास उब्जिएको छ ।

पछिल्लो समय ग्वाञ्जाओमा पाकिस्ताबाट भित्रिएका पाँचौ कारोनो संक्रमिण व्यक्ति भेटिएका थिए । कोरोनोको महामारी फैलिए यता ५३ जना पाकिस्तानी नागरिकहरु चीन पुगेको जनाइएको छ ।

अन्यत्रबाट चीनमा कोरोना भित्रिनसक्ने खतरालाई मध्यनजर गर्दै चीनले शनिबारदेखि सबै सीमानाका बन्द गर्ने घोषणा गरेको छ । चीनले विदेशी नागरिकको प्रवेशमा समेत अस्थायी रोक लगाएको छ ।

चीनले बिहीवार साँझ सीमा बन्द र विदेशीलाई अस्थायी रुपमा प्रवेश रोकेको चिनियाँ विदेश मन्त्रालयले विज्ञप्ति जारी गरेको अन्तराष्ट्रिय सञ्चारमाध्यमले जनाएका छन् ।

चीनले भिसा तत्काल जारी नगर्ने र जारी गरेकाहरूलाई पनि अर्को सूचना जारी नभएसम्मका लागि प्रवेश नदिने जनाएको छ ।