काठमाडौं– बारामा थप ५ जनामा कोरोना संक्रमण पुष्टि भएको छ ।

बाराको पचरौता नगरपालिकाको पिपरपाती माविको क्वारेन्टाइनमा रहेका ५ जनामा कोरोना संक्रणम पुष्टि भएको नगरपालिकाको स्वास्थ्य शाखाका प्रमुख नवल किशोर यादवले जानकारी दिए ।

यादवका अनुसार ५ जना संक्रमित मध्ये २ जना क्वारेन्टाइन व्यवस्थापनमा खटिएका नेपाली सेनाका सैनिक रहेका छन् ।

उनीहरुको उमेर ३५ र ३६ वर्षको रहेको छ । यस्तै क्वारेन्टाइमा रहेका तीन जना संक्रमितको उमेर क्रमश १९, ३० र ३५ वर्षका रहेका छन् । यादवका अनुसार राष्ट्रिय जनस्वास्थ्य प्रयोगशालाले आज बिहान उनीहरुमा कोरोना संक्रमण पुष्टि भएको जानकारी गराएको थियो ।

सुरक्षामा खटिएका सैनिकसहित ५ जनामा संक्रमण देखिएपछि अहिले उनीहरुलाई आइसोलेसनमा लैजाने तयारी भइरहेको यादवले जानकारी दिए ।