जुम्ला – जुम्लाको तातोपानी गाउँपालिकाका ११ वर्षीय एक बालकलाई उच्च ज्वरो आएपछि आइसोलेशनमा राखिएको छ ।
जाँचका क्रममा उच्च ज्वरो देखिएपछि आज उनलाई सीधै आइसोलेशनमा राखिएको कर्णाली स्वास्थ्य विज्ञान प्रतिष्ठानका डा सुनिल बुढाथोकीले बताए ।
बुढाथोकीका अनुसार बालकमा १०२ देखि १०४ डिग्रीसम्म ज्वरो आएको छ । बालकका बुबा पाँच दिन अगाडि भारतबाट आएकोसमेत खुलेको छ ।
दुई तीन दिनअघि देखि ज्वरो आएपछि उपचारका लागि प्रतिष्ठानमा ल्याई नाप्दा कोरोनाको लक्षणसँग मिल्दोजुल्दो भएपछि आइसोलेशनमा राखिएको डा बुढाथोकीले जानकारी दिए ।
बालकलाई कोरोनाका परीक्षणको रिपोर्ट नआउञ्जेल आइसोलेशनमै राखी उपचार गरिने प्रतिष्ठानले जनाएको छ ।
प्रतिक्रिया