बैतडी– भारतबाट आएका युवालाई क्वारेन्टाइनमा राखिएको विषयलाई लिएर बैतडीमा एकजना स्वास्थ्यकर्मीमाथि निर्धात कुटपिट भएको छ ।

बैतडीको पुर्चौंडी नगरपालिका–५ को क्वारेन्टाइनमा राखिएका ७ जनाको विषयलाई लिएर स्वास्थ्यकर्मी करनसिंध धामीमाथि निर्घात कुटपिट भएको हो ।

पुर्चौंडी नगरपालिकाले हालै भारतबाट फर्किएका युवाहरुलाई वडा नम्बर ५ मा क्वारेन्टाइन बनाएर राखेको थियो । तर, क्वारेन्टाइनमा रहेका ७ जनामध्येका एक युवा सुनिल जागरीका बुवा नरेन्द्र जागरीले स्वास्थ्यकर्मीमाथि निर्घात कुटपिट गरेका हुन् ।

गाजरीले स्वास्थ्यकर्मी धामीमाथि चिर्पटले प्रहार गर्दै उनको औंला समेत चपाइ दिएका छन् ।

कुटपिटबाट घाइते भएका स्वास्थ्यकर्मीलाई उपचारका लागि स्थानीय स्वास्थ्य चौकीमा पु¥याइएको पुर्चौंडी नगरपालिकाका रण बहादुर कुँवरले जानकारी दिए ।

‘हाम्रो मान्छेलाई किन क्वारेन्टाइनमा राखेको भन्दै नरेन्द्र जागरीले स्वास्थ्यकर्मीमाथि हातपात गरेका हुन्,’ मेयर कुँवरले खबरहबसँग भने, ‘हातपात गर्दा हाम्रा स्वास्थ्यकर्मी घाइते हुनुभएको छ । घाइतेलाई अहिले उपचारका लागि लगिएको छ ।’

मेयर वमका अनुसार स्वास्थ्यकर्मीमाथि हातपात गर्ने जागरीलाई अहिले प्रहरीले नियन्त्रणमा लिएको छ ।