मुम्बई – बलिउड अभिनेता ऋतिक रोशनका महिला फ्यान बढी छन् । त्यसमा कैयन् बलिउड अभिनेत्रीहरु पनि पर्छन् । कति अभिनेत्रीहरु ऋतिकका डाइहार्ट फ्यान छन् । कतिले ऋतिकसँग फिल्ममा काम गर्न उत्तिकै इच्छा देखाउँछन् ।

यो लिस्टमा दिलवाले, लुकाछिपी, बरेलीकी बर्फी हाउसफूल ४ जस्ता फिल्ममा अभिनय गरेकी कृति सेननको नाम पनि जोडिएको छ ।

हालै कृतिले खुलासा गरेकी छिन् कि ऋतिक रोशनसँग काम गर्ने भन्ने अफवाह वास्तविक बनोस् ।

एक अन्तर्वार्ताका दौरान कृतिले ऋतिक रोशनसँग काम गर्न चाहना भएको बताइन् । प्रश्नको उत्तर दिँदै उनले भनिन्, ‘मैले कैयन् अन्तर्वार्तामा यो कुरा भनेकी छु, म उनकी फ्यान हुँ, म आफ्नो कोठामा ऋतिकको पोस्टर लगाउने गर्थें, मैले उनलाई भेटेँ र कुराकानी गरेँ, उनी गज्जबका छन् ।’

उनले ऋतिक आफ्ना लागि प्रेरणाको स्रोत भएको पनि बताइन् । उनले ऋतिकसँग काम गर्ने मौका छिटो मिल्नेछ भन्नेमा आशावादी रहेको बताइन् ।

उनले भनिन्, ‘म चाहन्छु कि, तपाईं जति पनि हल्लाका बारेमा कुरा गर्नुहुन्छ, त्यो साँच्चिकै सत्य बनोस् ।’

हालै अभिनेत्री तमन्ना भाटियाले पनि आफू ऋतिकको फ्यान भएको बताएकी थिइन् । उनले त यतिसम्म भनेकी थिइन् कि, उनले ऋतिक रोशनका लागि ‘अनस्किृन नो किसिङ’ पोलिसी पनि तोड्न तयार छिन् ।