काठमाडौँ– निर्वाचन आयोगलाई आफ्नो आधिकारिकता पुष्टि हुने प्रमाण बुझाएर नेकपा नेता बबरमहल फर्किएका छन् ।

बबरमहलस्थित कार्की ब्यान्क्वेटमा आगामी योजना र आन्दोलनका कार्यक्रम घोषणा गरिने एक नेताले बताए ।

यसअघि छातिमा “हामी यहाँ छौं” लेखिएको पोस्टर टाँसेर नेताहरुले आयोगका तीन पदाधिकारी दिनेश थपलिया, इश्वरी पौडेल र नरेन्द्र दाहालसङ्ग बहुमतको कदर गर्न आग्रह प्रस्तुत गरेका थिए ।

त्यसरी निर्वाचन आयोगसङ्ग कुरा गर्न जानेमा नेताहरु पुष्पकमल दाहाल र माधवकुमार नेपाल, झलनाथ खनाल, नारायणकाजी श्रेष्ठ, मातृका यादव, गिरिराजमणि पोख्रेल, देव गुरुङ, रघुजी पन्त, देबेन्द्र पौडेल, जनार्दन शर्मा, घनश्याम भुषाल, बर्षमान पुन, जीवनराम श्रेष्ठ, सुरेन्द्र पाण्डे, पूर्णकुमारी सुवेदी, योगेश भट्टराई, पम्फा भुसाल, शलिकाराम जम्कटेल, भीम रावल, गोकर्ण बिष्टसहित ३० जना थिए ।