एजेन्सी- जो बाइडेनको प्रशासनमा परराष्ट्रमन्त्री हुने चर्चा गरिएका एन्टोनी ब्लिन्केनले चीनको बढ्दो प्रभुत्व रोक्न भारत महत्वपूर्ण साझेदार हुने बताएका छन् ।

अमेरिकाका नवनिर्वाचित राष्ट्रपति जो बाइडनका निकट साझेदार ब्लिन्केनले चीनको सामना गर्नका लागि भारतसँग सहकार्य बढाएर अघि बढाइँदै काम गर्ने पनि बताए ।

‘भारतीय सीमा क्षेत्रमा बढाएको दबाब लगायत चीनको बढ्दो प्रभुत्वको साझा चुनौतीको रूपमा खडा भएका छ, यसको व्यवस्थापनका लागि बाइडेन प्रशासन भारतसँग नजिकिएर काम गर्छ,’ ब्लिन्केनले भने ।

ब्लिन्केनलाई बाइडनले परराष्ट्रमन्त्री बनाउने घोषणा गरेका छन्  । यद्यपि उनलाई परराष्ट्रमन्त्री बनाउँन माथिल्लो सदन सिनेटको मञ्जूरी लिन भने बाँकी छ ।

भारतका लागि अमेरिकाका पूर्वराजदूत रिचर्ड वर्माले सोधेको प्रश्नको उत्तर दिँदै ब्लिन्केनले बाइडन प्रशासन भारतसँग नजिकै रहेर काम गर्न इच्छुक रहेको बताए ।

गत मे महिनादेखि भारत र चीनबीच लद्दाखसहितका क्षेत्रमा तनाव चुलिएको छ ।