काठमाडौँ- सिभिल बैंकले किसानको सुविधाका लागि किसान समृद्धि कार्ड सञ्चालनमा ल्याएको छ ।

देशको कृषि क्षेत्रलाई प्रोत्साहन गर्ने नीतिअनुरुप सम्पूर्ण कृषकको समृद्धिका लागि कार्ड सेवा सुरु गरेको बैंकले जनाएको छ ।

कुनै पनि कृषि पेशामा आवद्ध ग्राहकलाई लक्षित गरी ल्याइएको यो सेवाबाट कृषि कार्यबाट प्राप्त हुने आम्दानीलाई नियमित रुपमा बचत गर्दै जाने तथा आवश्यक परेको समयमा उक्त बचत रकम झिक्ने र नपुग भएमा सोहि खाताबाट कर्जाका रुपमा थप रकम पनि झिक्न सकिने बैंकले जनाएको छ ।

सुविधा अन्तर्गत खेतीयोग्य जमिन धितोका रुपमा राखी पाँच लाख रुपैयाँसम्म ऋण सुबिधा उपलब्ध हुने बताइएको छ ।

यो सुविधा लिन ग्राहकले बैंकमा वचत खाता खोल्नुपर्नेछ । यो ऋण सुबिधा कृषिलाई मुख्य पेसाका रुपमा अगाल्ने कृषकलाई ओभर ड्राफ्ट कार्डको माध्यमबाट एक निश्चित ऋण सीमा तोकी उपलब्ध गराइनेछ । यो ऋण सुविधाको लागि कुनै फर्म दर्ता गर्नैपर्ने भन्ने छैन ।