काठमाडौं- फिफा महिला विश्वकप २०२३ अस्ट्रेलिया र न्युजिल्याण्डले संयुक्त रुपमा आयोजना गर्ने भएका छन् ।

फिफा काउन्सिलको बिहीबार बसेको बैठकले सन् २०२३ को महिला विश्वकप अस्ट्रेलिया र न्यूजिल्याण्डलाई आयोजनाको जिम्मा दिएको हो ।

न्यूजिल्याण्ड र अस्ट्रेलिया फुटबल संघहरुले संयुक्त आयोजनाका लागि फिफा सामु प्रस्ताव गरेका थिए । काउन्सिलका ३५ भोटरको निर्णयक भोटमार्फत् आयोजकको टुङ्गो लगाइएको थियो ।

अस्ट्रेलिया र न्यूजिल्याण्डको पक्षमा ३५ मध्ये २२ भोट परेका थिए । कोलम्बिया फुटबल संघले १३ भोट पाएको थियो ।

विश्वकप आयोजनाको जिम्मा अस्ट्रेलिया र न्यूजिल्याण्डले पाएको फिफा अध्यक्ष गियनी इन्फान्टिनोले सार्वजनिक गरेका थिए ।

फिफाले २०२३ को विश्वकपमा ३२ टिम सहभागी गराउने निर्णय गरेको छ । फिफा विश्वकप २०१९ फ्रान्सले आयोजना गरेको थियो । जसमा अमेरिका महिला टोली विजयी भएको थियो ।