काठमाडौं – शहीद स्मारक ‘ए’ डिभिजन लिग फुटबलमा आज पनि दुई खेल हुदैछन ।

त्रिपुरेश्वरस्थित दशरथ रंगशालामा हुने पहिलो खेलमा त्रिभुवन आर्मी क्लब र न्युरोड टिम एनआरटी प्रतिस्पर्धा गर्दैछन । दोस्रो खेलमा संकटा क्लब र फ्रेन्ड्स क्लब आमनेसामने हुनेछन ।

लिगमा आर्मी ७ खेलमा १६ अंक सहित तालिकाको शीर्ष स्थानमा रहेको छ भने एनआरटी ११ अंक सहित छैटौं स्थानमा रहेको छ । यस्तै संकटा लिगको ७ खेलमा ९ अंकसहित नवौं स्थानमा रहेको छ । फ्रेन्ड्स ८ अंक सहित १२ औं स्थानमा रहेको छ ।

आठौं चरणको खेल समाप्त हुन अघि आर्मी लिगमा शीर्ष स्थानमै कायम राख्ने दाउमा छ भने एनआरटी आर्मीलाई हराउँदै शीर्ष स्थानमा आफ्नो पनि होड कायमै राख्न चाहान्छ । खेल दशरथ रंगशालामा अपरान्ह १२ बजे सुरु हुनेछ ।

यस्तै संकटा र फ्रेन्ड्सबीचको खेल दिउँसो ३ बजे सुरु हुनेछ । दुई/दुई खेलमा जित निकालेको संकटा र फ्रेन्ड्स तेस्रो जितको खोजीमा छन् । शनिबारको जितले संकटा शीर्ष ६ मा उक्लने छ भने फ्रेन्ड्स शीर्ष ८ भित्र रहनेछ ।