काठमाडौं – पूर्व प्रधानमन्त्री तथा जनता समाजवादी पार्टीका वरिष्ठ नेता डा. बाबुराम भट्टराईले सरकारको आलोचना गर्दै कडा टिप्पणी गरेका छन् ।

उनले अन्य दल, नेताको चिन्तन र सरकारको कार्यशैलीमाथि प्रश्न उठाउँदै कडा आलोचना गरेका हुन्। उनले सामाजिक सञ्जाल ट्वीटरमा उखान हाल्दै लेखेका छन् – जेठा मामाको त्यो गति, कान्छा मामाको भांग्राको धोती !’

उनले मुलुक कोरोनाभाइरस महामारीको संकटसँग जुधिरहेको बेला सरकारको सत्तारुढ दल आन्तरिक कलहमा अल्झिएकोप्रति  व्यंग्य गरेका छन् ।

पूर्व प्रधानमन्त्री डा. भट्टराईले एमसीसी र नागरिकताबारे राष्ट्रिय सहमति गरेर सबै ध्यान कोरोना र अर्थतन्त्रमा लगाउनुपर्ने  सुझाव दिएका छन् ।

उनले ट्वीटरमा यस्तो लेखेका छन्-

जेठा मामाको त्यो गति,कान्छा मामाको भांग्राको धोती!देश गम्भीर संकटमा फस्दैगएको वेला प्रम ओलीको चिन्तन/कार्यशैली निरंकुश/अहंकारी देखियो नै तर अरू दल/नेताहरूको पनि कुनै गतिलो छाँट देखिएन।तुरून्त यो पेचिलोMCCर नागरिकतावारे राष्ट्रिय सहमति गरौं र सबै ध्यान कोरोना र अर्थतन्त्रमा लगाऊँ!

— Baburam Bhattarai (@brb1954) June 24, 2020