काठमाडौं– जिल्ला प्रहरी कार्यालय बारामा कार्यरत ४ जना प्रहरीमा कोरोना भाइरसको संक्रमण पुष्टि भएको छ ।

बाराका एसपी कृष्ण पंगेनीका अनुसार जिल्ला प्रहरी कार्यालय बाराका ४ जनामा कोरोना संक्रमण पुष्टि भएको हो । जिल्ला प्रहरी कार्यालयमा ५० जना प्रहरीको पीसीआर विधिबाट गरिएको परीक्षणमा ४ जना प्रहरीमा संक्रमण पुष्टि भएको एसपी पंगेनीले खबरहबलाई बताए।

एसपी पंगेनीका अनुसार उनीहरुमा कोरोना संक्रमण पुष्टि भएको स्वास्थ्य मन्त्रालयले सवा ४ बजेको नियमित लाइभ अपडेटमार्फत जानकारी दिइसकेको छ ।

स्वास्थ्य मन्त्रालयका प्रवक्ता डाक्टर विकास देवकोटाले बारा कलैयामा कार्यरत भनेका संक्रमतीहरु नै जिल्ला प्रहरी कार्यालयमा कार्यारत प्रहरी भएको बाराका प्रमुख जिल्ला अधिकारी रुद्र प्रसाद पण्डितले बताए ।