जाजरकोट – रुकुमपश्चिम चौरजहारी नगरपालिका–८ सोतीका गाउँलेहरुले जाजरकोटका एक युवकको कुटेर हत्या गरेका छन् ।

जाजरकोटस्थित भेरी नगरपालिका–४ रानागाउँका नवराज विकको कुटेर हत्या गरिएको हो ।

नवराजसँगै चौरजहारी पुगेका छ युवा अझै बेपत्ता रहेको जाजरकोटका प्रहरी नायब उपरीक्षक किशोर श्रेष्ठले जानकारी दिए ।

१२ जनालाई चौरजहारीस्थित प्रहरीले पक्राउ गरेको छ । नवराज र सोतीकी सुष्मा मल्लबीच लामो समयदेखि प्रेम रहेको थियो । सुष्माकै आग्रहमा नवराजले १९ युवा जाजरकोटबाट शनिबार बेलुकी सोती लिएर गएका थिए ।

उनीहरू त्यहाँ पुगेको खबर सुष्माकी आमाले थाहा पाएर हल्ला गरेपछि गाउँहरुले युवालाई कुटपिट गर्दा नवराजको मृत्यु भएको श्रेष्ठले जानकारी दिए ।

गाउँहरुले लखेट्दा अन्य छ युवा बेपत्ता भएक छन् । सुष्मा र नवराज प्रेम सम्बन्धमा रहेको थाहा पाएपछि आफन्तले सो विवाह हुन नदिन चौरजहारी प्रहरी कार्यालयमा केही समयअघि उजुरीसमेत दिएको श्रेष्ठले जानकारी दिए ।