काठमाडौं- सरकारले मंगलबार बिहानदेखि गरेको ‘लकडाउन’का कारण  बैंकका अधिकांश शाखा बन्द रहे पनि आर्थिक कारोबार भने नरोकिएको राष्ट्र बैंकले जनाएको छ ।

यो अवधिमा पैसा जम्मा गर्न चाहने र जम्मा गरेको पैसा निकाल्न चाहनेका लागि भने सम्बन्धित बैंकहरुले आवश्यक व्यवस्था मिलाउनु पर्ने राष्ट्रबैंकले जनाएको छ ।

नेपाल राष्ट्र बैंकका कामु गभर्नर चिन्तामणि शिवाकोटीले काठमाडौंको हकमा आज (मंगलबार) बिदा नै रहेको र बुधबारदेखि भने सीमित काउण्टर सीमित समयका लागि मात्र खुलाउने व्यवस्था बैंकले मिलाएको बताए ।

काठमाण्डौ बाहिरको हकमा भने यो व्यवस्था मंगलबारदेखि नै लागू भएको कामु गभर्नर शिवाकोटीले बताए । सवसाधारणको आवश्यतालाई हेरेर आर्थिक कारोवारको व्यवस्था बैंक स्वयंले मिलाउने उनको बताए ।