काठमाडौं – इन्ग्लिश प्रिमियर लिग फुटबलमा सोमबार बिहान लिभरपुल र वेष्ट ह्याम भिड्दैछन् ।
लिगको २७ औं खेलमा लिग लिडर लिभरपुलले वेष्ट ह्याम युनाइटेडको सामना गर्न लागेको हो । खेल लिभरपुलको घरेलु मैदानमा सोमबार बिहान १:४५ बजे सुरु हुनेछ ।
एनफिल्डमा लिभरपुल जित निकाल्दै अपराजित यात्रा कायम राख्ने लक्ष्यमा हुनेछ । लिगको २६ खेलसम्म लिभरपुल अपराजित रहेको छ ।
लिभरपुलले एक खेल बराबरी खेल्नु बाहेक अन्य सबै खेल जितेको छ । वेष्ट ह्यामलाई हराउँदै लिभरपुल उपाधि होड बलियो बनाउन चाहन्छ ।
लिभरपुलले २६ खेलमा ७६ अंक जोडेको छ । वेष्ट ह्याम भने लिभरपुललाई पहिलो हार चखाउँदै रेलिगेसन जोनबाट बच्न चाहन्छ ।
प्रतिक्रिया