काठमाडौं – ललितपुर र भक्तपुरमा भएका छुट्टा छुट्टै दुर्घटनामा ३ जनाको मृत्यु भएको छ ।

ललितपुरको बालकुमारीमा आज बिहान मोटरसाइकल दुर्घटना हुँदा २ जनाको मृत्यु भएको छ । मृत्यु हुनेमा मोटरसाइकल चालक ३० वर्षीय दिवश किशोर भट्टराई र पछाडी सवार अन्दाजी ३० वर्षकै ललिता राई रहेको प्रहरीले जनाएको छ ।

कोटेश्वरबाट ग्वार्कोतर्फ जाँदै गरेको बा ३८ प ८३५७ नम्बरको मोटरसाइकल सडकको रेलिङमा ठोकिएर दुर्घटना भएको थियो । दुर्घटनाका गम्भिर घाइते भएका दुबैको ग्वार्कोस्थित बी एण्ड बी अस्पतालमा उपचारका क्रममा मृत्यु भएको प्रहरीले जनाएको छ ।

यस्तै भक्तपुर नगरपालिका–९, च्यामासिंहमा आइतबार साँझ ट्रकको ठक्करबाट एक  बालकको मृत्यु भएको छ ।

बा ३ क ३५८८ नम्बरको ट्रकको ठक्करबाट घाइते भक्तपुर नगरपालिका–१०, कमलविनायकका ११ वर्षीय तिलक मकाजुको मृत्यु भएको प्रहरीले जनाएको छ ।