काठमाडौँ– नेपाली राष्ट्रिय क्रिकेट टोलीका तीव्र गतिका बलर करण केसीलाई टी १० टिम पुने डेभिल्सले आबद्ध गरेको छ ।

उनलाई जारी अक्सनबाट पुने डेभिल्सले लिएको हो । तीव्र गतिका बलर करणसँगै यो सिजनको टी १० लिगमा तीन जना नेपाली खेलाडी आवद्ध भइसकेका छन् ।

यसअघि युवा स्पिनर कुशल मल्लले  बुधबार मल्ललाई टिम अबुधाबीले अनुबन्ध गरेको हो । उनी पहिलो पटक वदेशी लिगमा अनुबन्ध भएका हुन् ।

उनले पछिल्लो समय नेपालमा भएको आईसीसी विश्वकप लिग २ मा उत्कृष्ट अलराउण्ड प्रदर्शन गरेका थिए ।

टिम अबुधाबीमा नेपालका पूर्व कप्तान पारस खड्का इमर्जिङ ट्यालेन्ट मेन्टर नियुक्त भएसँगै कुशल इमर्जिङ खेलाडीको कोटाबाट अबुधावीमा अनुबन्ध भएका हुन् ।

यसअघि खड्काले अघिल्लो सिजनको टी १० लिग अबुधावीबाट खेलेका थिए । यो सिजनमा नेपालका सोमपाल कामी, मल्ल र केसी टी १० लिगमा अनुबन्ध भएका छन् ।

यसअघि स्पिनर सन्दीप लामिछाने र पारस खडेकाले टी १० लिग खेलेका थिए ।