काठमाडौँ– नेपालका तीव्र गतिका बलर सोमपाल कामीले दुवईमा हुने टी १० लिग खेल्ने भएका छन् ।

बुधबार बेलुका टी १० को अक्सनबाट उनलाई मराठा अरबियन्सले आफ्नो टोलीमा आवद्ध गरेको हो । योसँगै उनी पहिलो पटक टी १० लिग खेल्ने भएका हुन् ।

यसअघि उनले क्यानडाको ग्लोबल टी २० लिग खेलेका थिए । छोटो फर्म्याट को क्रिकेटमा भने उनी पहिलो पटक आवद्ध भएका छन् ।

टी १० खेल्ने उनी तेस्रो नेपाली खेलाडी हुन् । यसअघि पूर्व कप्तान पारस खड्का र सन्दीप लामिछानेले खेलेका थिए ।

पारस यो वर्ष टिम अबुधावीको इमर्जिङ ट्यालेन्ट मेन्टरमा नियुक्त भएका छन् भने लामिछानेले खेल्ने नखेल्ने निश्चित भइसकेको छैन ।

नेपालका पहिलो श्रेणीका बलर सोमपालका लागि यो नयाँ फर्म्याटको क्रिकेट हुनेछ । यद्यपी उनी पछिल्लो समय राम्रो लयमा छन् ।

नेपालका पहिलो रोजाईका खेलाडी सोमपालले ग्लोबल टी २० मा विनिपेग हग्सबाट खेलेका थिए । जहाँ उनले एक खेलमात्रै खेल्न पाए पनि उनको टोली च्याम्पियन बनेको थियो ।

यो संस्करणको टी १० लिग २८ जनवरीदेखि ६ फेब्रुअरीसम्म दुवईमा हुनेछ ।