काठमाडौं- प्रतिबन्धित नेपाल कम्युनिष्ट पार्टी (नेकपा) सरकारसँग वार्ताका लागि सकारात्मक देखिएको छ ।

पार्टी निकट अनलाइन पत्रिकालाई दिएको भिडियो अन्तर्वार्तामा महासचिव विप्लवले वार्ताको हल्ला गरेर मात्रै नहुने भन्दै धारणा के हो भनेर सरकारलाई सोधेका छन् ।

उनले आफूहरु वार्ताका लागि सधै खुला रहेको बताएका छन् । उनले सरकारले वार्तालाई जालझेलको विषय बनाएको भन्दै आक्रोश व्यक्त गरेका छन् ।

सरकारले यसअघि वार्ताको नाममा षड्यन्त्र गर्न खोजेकाले वार्ताको वातावरण बन्न नसकेको पनि उसले जनाएको छ ।

सत्तारुढ नेकपाभित्रको किचलाको विषयमा विप्लवले सत्ता स्वार्थले ल्याएको परिणाम भनेका छन् । व्यवस्था नै ठीक नभएकोले समस्या आइरहेको विप्लवको तर्क छ।