काठमाडौं- वाणिज्य, आपूर्ति तथा उपभोक्ता संरक्षण विभागले म्याद नाघेका खाद्य वस्तु पुनः लेबलिङ गरि बिक्री गर्ने दुई जनालाई कारबाही गरेको छ ।

आयन डिस्ट्रिव्युटर्सका राेकन बाेत्रा र विष्णुलक्ष्मी इन्टरप्रजाइजेजका शंकर बयलकोटीलाई कारबाही गरिएको विभागका निर्देशक एवं प्रवक्ता शिवराज सेढाईंले जानकारी दिए ।

यी दुई कम्पनीको कारबोरमा समेत रोक लगाइएको उनले बताए ।

म्याद नाघेका खाद्य वस्तु ट्यांक, स्निकर चकलेट,वरियो बिस्कुट, बनभिटा लगायतमा पुनः लेबलिङ गरि बिक्री वितरणमा संलग्न ८ जनामध्ये मुख्य काराोबारी दुई जनालाई तीन/तीन लाख रुपैयाँ जरिवाना सहित एक वर्ष जेल चलान गरिएको निर्देशक सेढाईंले बताए ।

उपभोक्ता संरक्षण ऐन अनुसार उनीहरुलाई कारबाही गरिएको हो ।

बरामद गरिएको २ करोड ९३ लाख ६४ हजार ७०१ रुपैयाँबराबरको म्याद समाप्त भएका उक्त वस्तुहरु नष्ट गरिएको विभागले जनाएको छ ।