झापा- अबैध हातहतियार खरखजाना मुद्दामा सजाय तोकिएर फरार रहेका एक अभियुक्त पक्राउ परेका छन् ।

पक्राउ पर्नेमा साविक जलथल ४ हाल हल्दिबारी गाउँपालिका वडा नं. ३ बस्ने ३८ वर्षिय सुनिल मेचे रहेका छन् ।

उनलाई अबैध हात हतियार खरखजाना मुद्दामा जिल्ला प्रशासन कार्यालय ललितपुरबाट २०७५ चैत ११ गते एक बर्ष कैद र एक लाख रुपैयाँ जरिवाना हुने ठहर गरिएको थियो ।

तालुक जिल्ला प्रशासन कार्यालय ललितपुरबाट लेखापढी हुँदै आएको पत्रअनुसार मेचेलाई जिल्ला प्रहरी कार्यालय झापाबाट खटिएको प्रहरी टोलीले आज बिर्तामोडस्थित बजाज सोरुम नजिकबाट पक्राउ गरेको हो ।

उनलाई कैद भुक्तान गर्न नख्खु कारागार पठाइने जिल्ला प्रहरी कार्यालयका प्रवक्ता राकेश थापाले जानकारी दिए ।