हेटौंडा- बाग्मती प्रदेश सभाको चालु अधिवेशन अन्त्य भएको छ ।
बाग्मती प्रदेश प्रमुख विष्णुप्रसाद प्रसाईले प्रदेश सभाको चालु अधिवेशन अन्त्य भएको घोषणा गरेका छन् ।
प्रमुख प्रसाईले मन्त्रिपरिषद्को सिफारिसमा आज राति १२ बजेदेखि लागू हुने गरी प्रदेश सभाको छैठौँ अधिवेशन अन्त्य गरेका हुन् ।
यसअघि मुख्यमन्त्री डोरमणि पौडेलले मन्त्रिपरिषद् बैठकको निर्णयसहित प्रदेश सभाको बैठक अन्त्य गर्न प्रमुखसमक्ष सिफारिस गरेका थिए ।
सोही सिफारिसका आधारमा प्रमुख प्रसाईद्वारा आज राती १२ बजेदेखि लागू हुने गरी प्रदेशसभाको चालु अधिवेशन अन्त्य गरेको प्रदेश प्रमुख सचिवालयका कानून अधिकृत राजेश कुमार तामाङले जानकारी दिए ।
प्रतिक्रिया