काठमाडौं – कोरोना भाइरसको पुष्टि भएपछि जर्मन चान्सलर एङ्गेला मर्केल क्वारेन्टाइनमा बसेकी छन् ।

६५ वर्षकी मर्केललाई गएको शुक्रबार डाक्टरले निमोनिया गराउने ब्याक्टेरिया विरुद्धको खोप लगाएका थिए ।

चान्सलर मर्केलमा अहिले कोरोना भाइरसको संक्रमण पुष्टि भएको र क्वारेन्टाइनमा बसेको बीबीसीले जनाएको छ ।

उनको स्वास्थ्य र नमूना हरेक दिन परीक्षण हुने र उनले केही दिन घरबाटै काम गर्ने जनाइएको छ ।

क्वारेन्टाइनमा बस्न अघि उनले टेलिभिजनमार्फत सम्बोधन गर्दै जर्मनीमा दुईजना भन्दा बढी भेला हुन नपाइने घोषणा गरेकी थिइन् ।

कोरोना भाइरसको महामारी थप फैलिन नदिने प्रयासमा रहेको जर्मनी सरकारले सार्वजनिक स्थानमा हुने भेलामा थप कडा नियम लागु गरिएको हो । अब सार्वजनिक स्थानमा दुई जना भन्दा बढी भेला हुन पाउने छैनन् ।