काठमाडौं – अन्तर्राष्ट्रिय सुदूरपश्चिम खप्तड गोल्डकपमा मदन भण्डारी स्पोट्स क्लबलाई पराजित गर्दै नव जन जागृति क्लब क्वार्टरफाइनलमा प्रवेश गरेको छ ।

कैलालीको धनगढी रंगशालामा आइतबार मदन भण्डारी स्पोर्ट्स एकेडेमीलाई ४–० गोल अन्तरले पराजित गर्दै जन जागृति क्वार्टरफाइनलमा पुगेको हो ।

नव जनजागृती र मदन भण्डारी स्पोट्स क्लबले खेलको पहिलो हाफ गोलरहित बराबरी खलेका थिए । नव जनजागृतिको जितमा विवेक चौधरीले ह्याट्रिक गरे भने सागर चौधरीले एक गोल गरे ।

खेलको ५३ औं मिनेटमा गोल गर्दै सागरले टिमलाई अग्रता दिलाएका थिए भने विवेकले ६०, ६६ र ८० मिनेटमा गोल गर्दै ह्याट्रीकसहित टीमलाई फराकिलो जीत दिलाएका थिए ।

अब सेमिफाइनल प्रवेशका लागि जन जागृतिले सहिद स्मारक ए डिभिजन क्लब थ्री स्टार क्लबको सामना गर्नेछ ।