काठमाडौँ– दुई अध्यक्षको समूहका बैठकमा सहभागी नभएका नेकपा सचिवालय रामबहादुर थापा बादलले पनि भेटवार्तालाई तीव्रता दिन थालेका छन् ।
गृहमन्त्रीसमेत रहेका बादल उपाध्यक्ष वामदेव गौतमलाई भेट्न गौतम निवास भैंसेपाटी पुगेका हुन् । प्रधानमन्त्री केपी शर्मा ओली र पुष्पकमल दाहाल प्रचण्ड–माधवकुमार नेपाल समूहले आ-आफ्नो पक्षको भेलामा आउन आग्रह गरेपछि भएको थापा र गौतमको भेटलाई महत्वका साथ हेरिएको छ ।
बादल र गौतम तेस्रो धार निर्माण गर्न लागेको आँकलन गरिएको छ । यसअघि आजै ओलीसमूहले बालुवाटारमा केन्द्रीय कमिटी बैठक गरेको थियो भने प्रचण्ड नेपाल समूहको केन्द्रीय कमिटी बैठक बबरमहलमा जारी छ ।
प्रतिक्रिया