काठमाडौँ- नेकपाका अध्यक्ष एवं प्रधानमन्त्री केपी ओलीले पार्टीभित्रको आन्तरिक द्वन्द्वलाई पिलोसँग तुलना गरेका छन् ।

बालुवाटारमा चलेको ओली पक्षीय केन्द्रीय कमिटीको बैठकलाई सम्बोधन गर्दै अर्का कार्यकारी अध्यक्ष प्रचण्ड–माधव नेपाल पक्ष नहुँदैमा केही फरक नहुने संकेत गरेका हुन् ।

उनले सम्बोधनका क्रममा गायक जीवन शर्माको गीतको अंश गुनगुनाउँदै ‘पिलो चिनोरेर फाल्दैमा तौल घट्दैन’ भनेको प्रधानमन्त्रीका प्रेस सल्लाहकार सूर्य थापाले बताए ।

थापाले सामाजिक सञ्जाल फेसबुकमा लेखेका छन्, ‘केन्द्रीय कमिटी बैठकलाई सम्बोधन गर्नुहुँदै अध्यक्ष एवं प्रधानमन्त्री केपी शर्मा ओली । जीवन शर्माको गीत गुनगुनाउँदै भन्नुभयो, पिलो निचोरेर फाल्दैमा तौल घट्दैन ।’