काठमाडौँ- पश्चिमी वायुको प्रभावले आज आंशिक बदलीको अवस्था रहेको छ ।
यद्यपि आज पनि तराईका क्षेत्रमा हुस्सु लागेको छ । रातको समयमा बादल लागेकाले मुलुकभरको औसत तापक्रम पनि आज बढेको छ ।
सोमबारको तुलनामा मुलुकभरको औषत तापक्रम १ डिग्री बढेको महाशाखाले जनाएको छ ।
महाशाखाका अनुसार आज काठमाडौँ उपत्यकाको तापक्रम ४ डिग्री सेल्सियस मापन गरिएको छ । आज काठमाडौँको अधिकत तापक्रम १८ देखि २० डिग्रीसम्म रहने अनुमान गरिएको छ । सोमबार काठमाडौँ उपत्यकाको तापक्रम ३.३ डिग्री मापन गरिएको थियो ।
अहिले गण्डकी, कर्णाली तथा सुदुरपश्चिम प्रदेशका भू-भागहरूमा आंशिक देखि सामान्य बदली रहे पनि बाँकी भू-भागको मौसम सफा रहेको छ |
प्रतिक्रिया