काठमाडौँ- सत्तारुढ दल नेपाल कम्युनिस्ट पार्टी (नेकपा)का केन्द्रीय सदस्य गोकुल बाँस्कोटाले गलत विचारसँग लड्न होहल्लाको अर्थ नरहेको बताएका छन् ।

चितवनमा पार्टीका स्थायी कमिटी सदस्य सुरेन्द्र पाण्डेविरूद्ध पार्टीकै कार्यकर्ताबाट नाराबाजी भएकोपछि पूर्वमन्त्रीसमेत रहेका बाँस्कोटाले ट्वीट गर्दै गलत विचारविरूद्ध लड्न सही विचार नै पर्याप्त हुने बताएका छन् ।

‘हातहरुको शसस्त्रीकरण भन्दा पहिला विवेक र बिष्लेषणपुर्ण चेतनाको विकास नै मानवीयशसस्त्रीकरणको वास्तविक पहिचान हुन्छ,’ बाँस्कोटाले ट्वीटमा भनेका छन्,’गलत विचारविरुद्ध लड्न सही विचार नै पर्याप्त हुन्छ, होहल्लाको अर्थ छैन।’

स्थायी कमिटी सदस्य पाण्डेमाथि दुर्व्यवहार भएपछि नेकपाको केन्द्रीय राजनीति तरंगित भएको छ । घटनाको भर्त्सना गर्दै पार्टीका वरिष्ठ नेताहरुले छानबिन र दोषीमाथि कारबाहीको माग गरेका छन् ।

हातहरुकाे शसस्त्रीकरण भन्दा पहिला विवेक र बिष्लेषणपुर्ण चेतनाकाे विकास नै मानवीयशसस्त्रीकरणकाे वास्तविक पहिचान हुन्छ।गलत विचार बिरुध्द लड्न सही विचार नै पर्याप्त हुन्छ, हाेहल्लाकाे अर्थ छैन।

— Gokul Prasad Baskota (@GokulPBaskota) November 21, 2020

शनिबार बिहान चितवनको राप्ती नगरपालिकाको नगर कमिटीको बैठक तथा प्रशिक्षण कार्यक्रममा सहभागी नेता पाण्डे बोल्ने क्रममा ओली निकट युवा तथा विद्यार्थी नेताहरुले नाराबाजी गरेका थिए ।