लमजुङ – पहिरोले लमजुङ–मनाङ जोड्ने एकमात्र बेँसीशहर चामे सकड पुनः अवरुद्ध भएको छ ।
शनिबार बिहान पहिरोले अवरुद्ध सडक आइतबार साँझबाट पुनः शुरु भए पनि आज बिहान फेरि विभिन्न स्थानमा पहिरो खसेपछि सकड पुनः अवरुद्ध भएको हो ।
आइतबार रातिबाट परेको वर्षाले लमजुङको उत्तरी क्षेत्र मर्स्याङ्दी गाउँपालिकास्थित रामबजार, स्यागे, गोप्टेभिरलगायतका स्थानमा पहिरो गएकाले सडक अवरुद्ध भएको जिल्ला प्रहरी कार्यालय लमजुङका प्रहरी निरीक्षक ओमप्रकाश पुनले बताए ।
सडक अवरुद्ध भएपछि यतिबेला स्काभेटरको माध्यमबाट सडक खुलाउने तयारी भइरहेको पुनले जानकारी दिए ।
प्रतिक्रिया