अमेरिकाद्वारा रुसलाई ५० वटा भेन्टिलेटर सहयोग

९ जेष्ठ २०७७, शुक्रबार

पढ्न लाग्ने समय : < 1 मिनेट

फाइल फोटो

अमेरिका- कोरोना भाइरस महामारीसँग जुध्न अमेरिकाले सहयोगस्वरुप दिएको ५० वटा भेन्टिलेटर रुसको राजधानी मस्को पुगेको छ।

राष्ट्रपति भ्लादिमिर पुटिनले अमेरिकी समकक्षी डोनाल्ड ट्रम्पसँग सहयोगको आग्रह गरेपछि ती भेन्टिलेटर दिइएको मस्कोस्थित अमेरिकी दूतावासले जनाएको छ।

थप डेढ सय भेन्टिलेटर सहयोग गरिने दूतावासको भनाइ छ। ५६ लाख डलरबराबरको जम्मा २ सय भेन्टिलेटर अमेरिकाले आफ्नै खर्चमा रुससम्म पु¥याउने बताइएको छ।

अप्रिलको सुरुमा रुसले अमेरिकाका लागि भेन्टिलेटरसहित स्वास्थ्य सामग्री पठाएको थियो।

प्रकाशित मिति : ९ जेष्ठ २०७७, शुक्रबार ११ : ०५ बजे

प्रतिक्रिया