मुम्बई – बलिउड अभिनेत्री दिशा पटानी हालै रिलिज भएको फिल्म ‘मलंग’ को सफलताका कारण चर्चामा छिन् । उनले सामाजिक सञ्जालमा पनि खुबै सक्रिय रहन्छिन् ।

सामाजिक सञ्जालमा अपलोड गरेका उनका तस्वीरले चर्चा कमाउँछन् । दिशालाई एक फ्यानले ट्वीटरमा सोधे, ‘तपाईंको आउँदो प्रोजेक्ट कुन हुन्छ? के हामी तपाईंलाई एक्सन गर्दै गरेको पनि देख्न सक्छौं ?’

यो सवालमा दिशाले उत्तर दिइन् । उनले भनिन्, ‘म एक्सन फिल्ममा काम गर्नका लागि म उत्सुक छु, फिल्ममा कुनै चाखलाग्दो भूमिका निभाउन चाहन्छु ।’

दिशाको एक्सन अवतार कस्तो रहनेछ र दर्शकले कहिले हेर्न पाउनेछन् भन्ने दर्शकका लागि चासोको विषय बनेको छ ।

अर्कातिर बलिउडमा चर्चा छ कि, दिशाले मोहित सुरीको आउँदो फिल्म ‘एक भिलेन २’ मा दिशाको पनि भूमिका रहनेछ । यसबारेमा पनि एक फ्यानले दिशालाई सोधे ।

उनले यो हल्लामा कुनै सत्यता नरहेको बताइन् । बरु उनले यतिबेला सलमान खानको फिल्म ‘राधे’ मा काम गर्दैछिन् । फिल्ममा उनी ज्याकी श्राफकी बहिनीको भूमिकामा देखिने पनि चर्चा छ ।