काठमाडौं – विश्वभर फैलिएको महामारीको सन्त्रासले विदेशमा रहेका नेपालीलाई पनि तनावमा पारेको छ । चीनबाट फैलिएको कोरोना महामारीले अमेरिकामा पनि प्रभाव पारेको छ । यसको असर अमेरिकामा बस्ने नेपालीमा देखिएको छ ।

लामो समयदेखि अमेरिकामा बस्दै आएका अभिनेता राजबल्लभ कोइरालाले नेपालीलाई आकस्मिक काममा बाहेक अरु कामले घरमा रहन आग्रह गरेका छन् ।

कोइरालाले एक ट्वीट गर्दै लेखेका छन्, ‘कृपया घरमै बस्नुहोस् ।’

‘सुविधासम्पन्न देश युरोप र अमेरिकालाई त यो महामारीसँग जुध्न यस्तो कठिन छ, त्यता केही भयो भने कस्तो होला? आफै कल्पना गर्नुस् त,’ कोइरालाले नेपालप्रति चिन्ता व्यक्त गर्दै लेखेका छन्, ‘इमर्जेन्सी काम छैन भने प्लिज घरमै रहनुस्, आफू साथै परिवार र आफन्तलाई यो महामारीदेखि बचाउनुहोस् ।’

कोरोना भाइरसको संक्रमणको प्रभावले पछिल्लो समय युरोपियन मुलुकमा हजारौंको ज्यान गइसकेको छ । युरोप र अमेरिकामा पनि लाखौं नेपाली बसोबास गर्दै आइरहेका छन् । ती नेपालीलाई प्रत्यक्ष प्रभाव परेको छ ।

नेपालमा भने अझै कोरोनाको त्रास देखिए पनि कोरोना संक्रमित भने नदेखिएको बताइएको छ । एकजनामा कोरोनामा संक्रमण देखिए पनि ती व्यक्ति निको भइसकेका छन् ।