काठमाडौं- काठमाडौं महानगरपालिकाले विश्वव्यापी महामारीको रुपमा फैलिएको कोरोना भाइरसको सम्भावित जोखिम न्यूनीकरणका लागि तयारी तीव्र पारेको छ ।

महानगरालिकाले कोरोनाको आशंका देखिएमा उनीहरुको तत्काल उद्धारका लागि तालिम प्राप्त स्वास्थ्य सेवाकर्मीहरू तयारी अवस्थामा राखिएको  जानकारी दिएको छ ।

महानगरपालिकाका मेयर विद्या शुन्दर शाक्यले कसैलाई कोरोना भाइरस सङ्क्रमणको आशङ्का भएमा टोल फ्रि नं ११८० मा खबर गर्न अनुरोध गरेका छन्।

प्रमुख शाक्यले विज्ञप्ति जारी गरी कामपाको सहयोगमा सञ्चालित एम्बुलेन्स सेवा १०२ तथा महानगरको टोल फ्रि नं ११८० मा खबर तथा सूचना दिन अनुरोध गरेका हुन्।

हाम्रो एम्बुलेन्स र तालिम प्राप्त स्वास्थ्य आकस्मिक सेवाकर्मीहरू तयारी अवस्थामा राखिएको उनले जानकारी दिए ।