काठमाडौं- संस्कृति, पर्यटन तथा नागरिक उड्ययन मन्त्री योगेश भट्टराईले हुलहुज्जत बहुदलीय जनवादको कोर्स नभएको स्मरण गराएका छन् ।

उनले शनिबार चितवनमा आयोजित कार्यक्रममा पूर्वमन्त्री तथा नेकपा नेता सुरेन्द्र पाण्डेमाथि कार्यकर्ताबाटै अभद्र दुर्व्यवहार भएको विषयलाई लिएर नेता तथा कार्यकर्ताहरुलाई हुलहुज्जत बहुदलीय जनवादको कोर्स नभएको स्मरण गराएका हुन् ।

उनले सामाजिक सञ्जालमा लेखेका छन्, ‘हुलहुज्जत बहुदलीय जनवादको कोर्स होइन । बिमर्श, छलफल र फरक मतको सम्मान जबजको विशेषता हो !’

चितवनको राप्ती नगरपालिकामा आयोजित कार्यक्रममा मन्तव्य राख्दै गरेको बेला नेकपाकै कार्यकर्ताले नारा जुलुस गरेका थिए ।

प्रधानमन्त्री केपी शर्मा ओली पक्षका नेताकार्यकर्ताहरूले नेता पाण्डेको विरोधमा नाराजुलुस गरेको नेताहरुले आरोप समेत लगाएका छन् ।