काठमाडौँ– राष्ट्रपति विद्यादेवी भण्डारीले दुई महिनाको पारिश्रमिक र चाडवाड भत्ता सरकारले स्थापना गरेको कोरोना भाइरस रोकथाम तथा उपचार कोषमा प्रदान गरेकी छन् ।

राष्ट्रपति कार्यालयले विज्ञप्ति निकालेर राष्ट्रपति भण्डारीले चालु आर्थिक वर्षको दुई महिनामा पाउने पारिश्रमिक र चाडवार्ड खर्च बापत प्राप्त हुने रकम कोषमा प्रदान गर्ने जानकारी दिएको हो ।

राष्ट्रपति कार्यालयका प्रवक्ता हरिप्रसाद दाहालद्वारा जारी गरिएको विज्ञप्तिमा राष्ट्रपति भण्डारीले उक्त रकम महामारी नियन्त्रणका लागि कोषमा प्रदान गरेको उल्लेख छ ।

यसअघि सत्तारुढ दल नेकपा, प्रमुख प्रतिपक्षी दल नेपाली कांग्रेस लगायतका दलका सांसदहरुले दशैँमा पाउने रकम कोषमा प्रदान गरेका छन् ।

सरकारको मन्त्रिमण्डलमा सहभागि मन्त्रीहरुले प्राप्त गर्ने रकम पनि कोषमा प्रदान गर्ने निर्णय यसअघि गरिएको छ ।