एजेन्सी- च्याम्पिन्स लिग फुटबलमा पेरिस सेन्ट जर्मेन (पीएसजी)ले खराब सुरूवात गरेको छ ।

मंगलबार भएको खेलमा म्यान्चेष्टर युनाईटेडले पीएसजीलाई २–१ ले हराएको छ।

नयाँ कप्तानको रुपमा ब्रुनो फर्नान्डेजले २३औं मिनेटमा पेनाल्टीमा गोल गर्दै युनाईटेडलाई अघि बढाएका थिए ।

एन्थोनी मार्टियलले ५५औं मिनेटमा आत्मघाति गोल गरेपछि पीएसजी खेलमा फर्किएको थियो ।

खेल सकिन ३ मिनेट बाँकी छदाँ पाउल पोग्बाको पासमा रासफार्डले गोल गर्दै गत सिजनको फाईनल खेलेको पीएसजीमाथि युनाईटेडले जित निकाल्यो ।

१८ महिना अघिमात्र रासफोर्डकै गोलमा पीएसजी च्याम्पियन्स लिगबाट बाहिरिएको थियो ।

युनाईटेडका लागि गोलकिपर डेभिड डी जियाले सुधारिएको प्रर्दशन गरे । उनले पीएसजीका नेयमार र केलियन एम्बाप्पेको प्रहारलाई निस्तेज पारे ।