बिहीबार दक्षिण भारतीय फिल्मका सुपरस्टार रजनी कान्तको घरमा बम राखिएको घटनाले निकै चर्चा पायो । एक अपरिचित नम्बरबाट आएको कलले सुपरस्टार रजनी कान्तको घरको बगैचामा बम भएको जानकारी दिएको थियो ।

खासमा बिहीबार बिहान चेन्नई पुलिसलाई एक अपरिचित ब्यक्तिले फोन गरी रजनी कान्तको पोएस गार्डनको घरमा बम भएको बताएका थिए । यतिमात्र भनेर ती ब्यक्तिले फोन काटेका थिए ।

यस प्रकारको सुचनापाए लगत्तै प्रहरी बम स्क्वायड टिमसहित रजनी कान्तको घरमा पुग्यो र बम खोज्न थाल्यो । तर त्यहाबाट कुनै बम फेला परेन । हाल चेन्नई प्रहरी कसले, कहाँबाट उक्तकलको गरेको थियो भन्ने बारेमा अनुसन्धान गरिरहेको छ ।

लकडाउनले रजनी कान्त र उनका घरका सदस्य घर भित्रै थिए । शुरुवातमा बम खोज्ने भन्दै आएका प्रहरीलाई रजनीकान्तले घरमा खानतलासी गर्न रोकेका थिए । तर आफ्ना अधिकारीसँग कुरा गरे पश्चात उनले बम खोज्न सघाएका थिए ।

यो पटक मात्र नभई रजनी कान्तलाई यस अघि पनि पटक पटक धम्कीपुर्ण फोन कलआउने गरेको थियो । बलिउडका कलाकारलाई यस प्रकारको फर्जी कलआउने गरेको छ ।