काठमाडौं – युरोपा लिग फुटबलको अन्तिम ३२ को पहिलो लेगमा बुल्भ्सले स्पानियोलमाथि फराकिलो जीत हात पारेको छ ।

बिहिबार राति भएको खेलमा वुल्भ्सले स्पेनिस क्लब स्पानियोललाई ४–० गोल अन्तरले पराजित गरेको हो ।

डिओगो जोटाको ह्याट्रिक र रुबेन नेभेसले एक गोल गर्दा घरेलु मैदानमा बुल्भ्सले स्पानियोलमाथि शानदार जीत हात पारेको हो ।

जीतसँगै वुल्भ्स युरोपा लिगको अन्तिम १६ नजिक पुगेको छ । अब दुई टोलीबीचको दोस्रो लेग स्पानियोलको मैदानमा हुनेछ ।

बिहीबार राति नै भएको अर्को खेलमा म्यान्चेस्टर युनाइटेडले ब्रुगाससँग बराबरी खेलेको छ । युनाइटेड र ब्रुगासले १–१ गोल बराबरी खेलेका हुन् ।

खेलको १५ औं मिनेटमा बु्रगासले इमानुएल डेनिसको गोलमा अग्रता बनाएको थियो भने युनाइटेडका लागि एन्थोनि मार्सलले पहिलो गोल फर्काउँदै खेल बराबरी गरेका थिए । पछि युनाइटेडले गोल थप्न नसक्दा अंक बाडेको हो ।