काठमाडौँ– प्रधानमन्त्री केपी शर्मा ओलीको कदमलाई लिएर मुलुकका विभिन्न स्थानमा प्रतिपक्षी दल लगायत सत्तारुढ दलकै कार्यकर्ताहरुले विरोध प्रदर्शन गरेका छन् ।

संसद विघटनलाई लिएर प्रधानमन्त्री ओलीविरुद्ध प्रदर्शन गरिएको हो ।

यसैबीच कैलालीको धनगढीमा प्रमुख प्रतिपक्षी दल नेपाली कांग्रेसको भ्रातृ संगठन नेविसंघले प्रधानमन्त्री ओलीको पुत्ला दहन गरेको छ ।

प्रदर्शनमा उत्रिएका युवाहरुले राष्ट्रपति विद्यादेवी भण्डारीले संसद विघटनको सिफारिस स्वीकृत गरेको भन्दै उनीविरुद्ध समेत नाराबाजी गरेका छन् ।

नेपाली कांग्रसले प्रतिनिधि सभा विघटन गर्ने सरकारको कदमलाई ‘अधिनायकवादी’को संज्ञा दिएको छ भने यसका विरुद्ध सशक्त प्रतिकार गर्ने जनाएको छ ।