काठमाडौं- भारतीय प्रधानमन्त्री नरेन्द्र मोदीले देशबासीका नाममा सम्बोधन गर्दै कोरोना भाइरस संक्रमणको जोखिम कम नभएको भन्दै लापरवाही नगर्न आग्रह गरेका छन् ।

देशबासीका नाममा मंगलबार साँझ सम्बोधन गर्दै उनले कोरोना भाइरसको संक्रमण रोक्न सबै सचेत हुनुपर्ने बताए ।

वहुसंख्यक भारतीय हिन्दू समुदाय नवरात्रि पर्व मनाइरहँदा चाडवाडमा सानो लापरबाहीले पनि ठूलो क्षति हुनसक्ने भन्दै महामारीबाट सावधान रहन प्रधानमन्त्री मोदीले आग्रह गरे ।

यस्तै सरकारले कोभिडको खोप उपलब्ध गराउने काममा पूरा प्रयास गर्ने पनि मोदीले प्रतिवद्धता व्यक्त गरे ।

कोभिड १९ को महामारी फैलिएदेखि नै भारतीय प्रधानमन्त्री मोदीको देशबासीका नाममा यो सातौँ सम्बोधन हो ।