काठमाडौं – फ्रान्सेली लिग वानमा पेरिस सेन्ट जर्मेन (पीएसजी) ले नाइसविरुद्ध जित हात पारेको छ।

आइतबार बेलुका भएको खेलमा पीएसजीले नाइसलाई ३-० गोल अन्तरले पराजित गरेको छ।

नयाँ सिजनमा दोस्रो जितका लागि स्टार खेलाडी किलियन एम्बाप्पे, एन्जल डि मारिया र मार्क्युनोसले गोल गरे।

खेलको ३१ मिनेटमा नाइसका खेलाडीले पीएसजीका खेलाडीलाई पेनाल्टी क्षेत्रमा फाउल गरेपछि पीएसजीले पेनाल्टी अवसर पाएको थियो। उक्त पेनाल्टी एम्बाप्पेले गोलमा परिणत गर्दै टीमलाई अग्रता दिलाएका थिए।

१-० ले अघि रहेको पीएसजीका लागि पहिलो हाफको अतिरिक्त समयमा डि मारियाले गोल गर्दै टीमलाई पहिलो हाफमा २-० गोलको अग्रता दिलाएका थिए। यस्तै, मार्क्युनोसले ६६ औं मिनेटमा गोल गर्दै टीमका लागि ३-० गोलको अग्रता बनाएका थिए। नाइसले गोल फर्काउन नसकेपछि मार्क्युनोसको गोल निर्णायक बनेको थियो।

जित हात पारेको पीएसजीले ३ खेलमध्ये २ जित हात पार्दै ६ अंक जोडको छ भने समान ३ खेल खेलेको नाइसको ६ अंक रहेको छ।