काठमाडौं- नेपालको राष्ट्रियता र स्वाधिनताविरुद्ध अभिव्यक्ति दिने सांसद सरिता गिरीलाई कानून बमोजिम कारबाहीको  माग राख्दै रमेश प्रसाईंले प्रहरीमा जाहेरी दिएका छन् ।

महानगरीय प्रहरी परिसर, टेकुमा जाहेरी दर्ता गराएको उनले बताएका हुन् ।

शनिबार रिपोर्टर्स क्लब नेपालमा पत्रकार सम्मेलन गर्दै प्रसाईले सांसद गिरीमाथि कारबाहीको माग राख्दै जाहेरी दर्ता गराएको बताएका हुन् ।

रमेश प्रसाईले मात्रै दर्ता गराएको जाहेरी वा मुद्दा नभएर नेपालका सम्पूर्ण राष्ट्रभक्त नेपालीहरुले दर्ता गराएको मुद्दा भएको समेत उनले तर्क गरे ।

उनले सांसद गिरीलाई कानून बमोजिम दण्डित गरिनुपर्ने बताएका छन् । आफूहरुले दिएको जाहेरीउपर सही सुनुवाई नभए १५ दिनपछि जाहेरी लिएर अदालत जाने समेत बताएका छन् ।

पत्रकार सम्मेलनमा उनले लकडाउनमा निकै दुःख कष्ट व्यहोर्दै काठमाडौं आइपुगेको समेत बताए ।