काठमाडौं- कोरोना भाइरस नियन्त्रण गर्न सरकार असफल भएको भन्दै युवाहरुले सडकमा सुतेर सरकारको विरोध गरेका छन् ।

उनीहरुले विभिन्न प्लेकार्डसहित काठमाडौंस्थित शहीद गेट क्षेत्रमा लम्पसार परेर विरोध जनाएका हुन् ।

सरकारले कोरोना नियन्त्रणमा प्रभावशाली काम गर्न नसकेको भन्दै  उनीहरुले मृत्युको अभिनय गरेर सडकमै सुतेका थिए ।

उनीहरुले सबैको पीसीआर परीक्षण गरिनुपर्ने, कोरोना रोकथाममा भएको खर्च हिसाब पारदर्शी गर्नुपर्ने, क्वारेन्टिनहरु सुरक्षित बनाउँनुपर्ने लगायत माग राखेका छन् ।

हेरौं भिडियो

सरकारको पछिल्लो कार्यशैलीप्रति असन्तुष्ट जनाउँदै उनीहरु शान्तिपूर्ण रुपमा सडक आन्दोलनमा उत्रिएका हुन् ।

सरकार कोरोना संक्रमण व्यवथापनमा चुकेको र आर्थिक अनियमितामा डुबेको प्रदर्शनकारीको आरोप छ।

झण्डै एक सय जनाको संख्यामा रहेका युवाले बिहान साढे १० बजेदेखि एकघण्टासम्म शहीद गेटमा सुतेर विरोध प्रदर्शन गर्ने जनाएका छन् ।

सरकारविरुद्ध निकालिएको प्रदर्शनका केही तस्वीरहरु

तस्वीर : सन्तोषराज पाण्डे