कोरोना संक्रमित दिल्लीका स्वास्थ्य मन्त्री जैनलाई आइसीयूमा सारियो

६ असार २०७७, शनिबार

पढ्न लाग्ने समय : < 1 मिनेट

काठमाडौं – कोरोना भाइरसबाट संक्रमित भएका दिल्लीका स्वास्थ्यमन्त्री सत्येन्द्र जैनलाई आइसीयूमा सारिएको छ ।

म्याक्स अस्पतालमा उपचारारत ५५ वर्षीय जैनलाई श्वासप्रश्वासमा समस्या देखिएपछि आइसीयूमा सारिएको टाइम्स अफ इन्डियाले जनाएको छ ।

बुधबार कोरोना संक्रमण पुष्टि भएपछि अस्पताल भर्ना भएका जैनलाई निमोनिया पनि भएको समाचार उल्लेख छ।

आइतबार मात्र मन्त्री जैन कोरोना भाइरसको अवस्थासम्बन्धी उच्चस्तरीय बैठकमा सहभागी भएका थिए ।

प्रकाशित मिति : ६ असार २०७७, शनिबार ७ : ३४ बजे

प्रतिक्रिया