काठमाडौं– स्वास्थ्य तथा जनसंख्या मन्त्रालयले आफ्नो मातहतका सहसचिव र विभागीय प्रमुखहरुलाई विदाको दिनमा समेत कार्यालयमा उपस्थित हुन निर्देशन दिएको छ ।

स्वास्थ्य मन्त्रालयले आज स्वास्थ्य मन्त्रालय मातहतका विभाग, महाशाखा, तथा अस्पतालहरुलाई पत्राचार गर्दै बिदाको दिनमा पनि कार्यालयमा उपस्थित हुन निर्देशन दिएको हो ।

विश्वभर कोरोना भाइरस संक्रमण महामारीको रुपमा फैलिएकाले नेपालमा रोगको संक्रमण रोक्ने स्वास्थ्य क्षेत्रका कर्मचारी आवश्यक पर्ने भएकाले विदामा नबस्न स्वास्थ्य मन्त्रालयले निर्देशन दिएको हो ।

स्वास्थ्य मन्त्रालयले काठमाडौं उपत्यका भित्र रहेका आफ्नो मातहतका विभाग र कार्यालयमा कार्यरत सहसचिव स्तरका कर्मचारी र विभागिय प्रमुखहरु सार्वजनिक विदाको दिन समेत कार्यालयामा उपस्थित भइ काम गर्न निर्देशन दिएको छ ।

यस्तै उपसचिव र अधिकृत स्तरका कर्मचारीलाई काठमाडौं उपत्यका नछाड्न समेत मन्त्रालयले निर्देशन दिएको छ ।

यस्तो छ मन्त्रालयको निर्देशन पत्र