काठमाडौं- कान्ति बाल अस्पतालले ब्लड बैंक सेवा पुनः सञ्चालनमा ल्याउने भएको छ । राउन्ड टेबल नेपालको सहकार्यमा कान्तिले ब्लड बैंक सेवालाई पुनः सञ्चालनमा ल्याउने भएको हो ।

राउन्ड टेबल नेपाल र कान्ति बाल अस्पतालबीच ब्लड बैंक सञ्चालनमा ल्याउने विषयमा सम्झौता भएको हो। उक्त सम्झैता अनुरुप राउन्ड टेबलले ६ जना स्वयसेवकलाई लाग्ने खर्च ब्यहोर्ने उल्लेख गरेको छ ।

रगतको सहज उपलब्धताका लागि ब्लडबैंक सञ्चालनमा ल्याउन लागिएको अस्पतालले जनाएको छ । यस कार्यले अस्पतालमा सेवा लिन आउने लाखौं बच्चाहरुकाको हित हुने बिश्वास लिइएको छ।

राउन्ड टेबल नेपालले अस्पतलाई थप सहयोग पुग्ने गरी नियमित रक्तदान कार्यक्रम पनि सञ्चालन गर्ने जनाएको छ।

राउन्ड टेबल नेपालले बाल बालिकाहरुको बृहत्तर हित, गुणस्तरीय शिक्षा र स्वास्थ्य जस्ता महत्वपूर्ण क्षेत्रमा काम गर्दै आएको छ ।