काठमाडौं- प्रधानमन्त्री केपी शर्मा ओलीले रोजगारी गुमाएका नागरिकलाई रोजगारी दिने बताएका छन् ।

आज संसद बैठकमा बोल्दै प्रधानमन्त्री ओलीले आम्दानी नभएका र आम्दानी गुमाएकाहरुको सरकारले व्यवस्था गर्ने प्रतिवद्धता जनाए ।

गत जेठ २ गते राष्ट्रपति विद्यादेवी भण्डारीले प्रस्तुत गरेको नीति तथा कार्यक्रममा सांसदले उठाएको प्रश्नको जवाफ दिँदै प्रधानमन्त्री ओलीले निम्न आय भएका वर्गलाई प्याकेज मात्र नभएर रोजगारीको व्यवस्था गर्ने बताए । निम्न आय भएका व्यक्तिहरुको सम्बन्धमा प्याकेज नल्याइएको भन्ने विषयमा प्रमुख प्रतिपक्षदल लगायत अन्य दलले असन्तुष्टि जनाएका थिए ।

‘प्याकेज देखाउने होइन । हामी जहाँ छौ जस्तो अवस्थामा छौ । आर्थिक अवस्थाका सन्दर्भमा भन्ने एउटा गर्ने अर्को गर्न हुदैन । प्याकेज घोषणा गर्दा राज्यले धान्न र स्रोतले भ्याउनेसम्म रोजगारीका अवसर उपलव्ध गराउने र उसले आम्दानीबाट जीवन चलाउन र देशको अर्थतन्त्र कमजोर हुन नदिनेतर्फ जान खोजिरहेका छौं । गरिवलाई सहारा दिने कोही छैन र काम पनि गर्न सक्दैन भने त्यस्तो मानिससँग श्रमको अपेक्षा गर्न सक्दैन त्यस्तालाई सरकारले सोचिरहेको छ’, प्रधानमनत्रीको जवाफ छ । त्यस्तै उनले आगामी दिनमा पनि त्यसैगरी अघि बढ्न सरकार लागि रहेको बताए ।

सम्बोधनका क्रममा शारीरिक अपाङता तथा अशक्त व्यम्तिहरु जो काम शारीरिक श्रम गर्न सक्दैनन् त्यस्ता व्यक्तिहरुको जिम्मा सरकारले लिने प्रतिवद्धतासमेत व्यक्त गरेका छन् । साथै उनीहरुको प्रवन्ध गर्न सरकार लागिरहेको बताए ।